البث المباشر

أسعار العملات

بيـــــع شــراء
3.455 3.455
4.872 4.872
3.832 3.832
0.218 0.218
الســـعر
3.455
4.872
3.832
0.218

أوقات الصلاة

الفجر الظهر العصر المغرب العشاء
5:13 11:49 2:41 5:07 6:26

حـــالة الطقـــس

الأحد: أجواء شديدة البرودة ويطرأ انخفاض على درجات الحرارة، وتسقط زخات من الأمطار فوق مختلف المناطق مصحوبة بعواصف رعدية وتساقط البرد أحياناً..

القدس 10.2

موقف غير انساني تعرضت له صابرينا فبكت تحت المطر

2019-12-14 08:14:00

2019-12-14 08:14:00

شبكة أجيال الإذاعية ARN_ صابرينا جابر طالبة من ذوي الاحتياجات الخاصة في جامعة النجاح، تعرضت قبل أيام لموقف غير انساني عندما كانت تريد أن تركب وسيلة نقل .

وكتبت صابرينا التي تقصد جامعتها على كرسي متحرك واقعة مؤلمة، تعرضت لها قبل أيام تنم عن عدم انسانية بالتعامل معها، لتنتشر في مواقع التواصل الاجتماعي.

ودفعت الواقعة التي تعرضت لها صابرينا وزير المواصلات عاصم سالم لزيارة الطالبة صابرينا للتضامن معها بعد ما كتبته عن قصتها من أحد السائقين رفض أن تصعد معه في المركبة، ووعدها الوزير بمتابعة ما جرى لها.

وكتبت صابرينا ما حدث معها قائلة:

قديش انا زعلانه وحزينة ومتدايقه ومقهورة من الوضع الي وصلنالو !

قديش صرنا عديمين انسانية ورحمة وفش بقلبنا ذرة رحمة او حنية !

اليوم وانا مروحة كانت معي شنتي الجر ، مطرت علي الدنيا بالشارع فجأة وزخت وغرقت مي بالشارع ، مرق تكسي بودي من المخفية( منطقتي) للبلد ، وقفتو حكتلو لو سمحت بدي اركب ! قام نزل من السيارة ، ورحت انا فتحت الطبون اشوفو مناسب للعرباي او لا .. وطلع مناسب ومنيح ، والدنيا زخ طبعا .

المهم بحكيلو بدي انزل عند مدخل البلدة القديمة ، صفن شوي الا بحكيلي ثقيلة عربايتك ؟ بحكيلو اه بس هي ٤ شباب عندك بساعدوك فيها ، قام سكر الطبون بحكيلي لا عمي بحملش عربايات وثقيلة كمان ، لا ! بحكيلو عموو لو سمحتتت انا غرقانه من المطر وعربايتي بتيجي بسيارتك انا مجربة وبعرف طلعني شو فيها ! رد عاد نفس الجملة وانها ثقيلة وركب السيارة وراح ..

وقفت ع جنب وصرت اعيط بالشارع من قلبي!
ما عيطت لانو ما ركبني بس عيطت انو لهدرجة ما في بقلب البشر رحمة!! ولو لهدرجة!! ولك اعتبرني بنتك اختك، اعتبرني امك!! هيك بتعمل ؟ حامل العرباي ع ضهرك انتا؟

فش سيارة خلقها الله بتتحملش عرباي، كيف حامله ٥ ركاب معناتو؟

المشكلة ما كانت بالطبون لانو مش بلاستك الطبون المشكلة كانت فيه هو انو ما بدو يطلعني ويتعب ايديه.

والحمدلله اني بطلع لحالي بدون مساعدة حدا ، بس عربايتي الي بتنرفع ، وياخي تغلب هالمرة انا كل يوم راكبة معك؟ ول عليك .

حسبي الله بكل شخص بقهرني بسبب هاي المواضييع الي بتتكرر معي دايما وفش رقابه عليها تا يحاسبوه .

والله لا يحوجنيييي لحدا بهالدنيا

يشكل الأفراد ذوي الإعاقة في فلسطين ما نسبته 2.1% من مجمل السكان، 48% في الضفة و52% في قطاع غزة، 20 بالمئة منهم من الاطفال، وتشكل إعاقة الحركة واستخدام الأيدي النسبة الأعلى من الإعاقات، ويبلغ عدد الأفراد ذوي إعاقة الحركة واستخدام الأيدي 47.109 ويشكلون ما نسبته 51% من الافراد ذوي الإعاقة.

ر.ق-ر.أ



© 2020 جميع الحقوق محفوظة لشبكة أجيال الإذاعية